پندرہ ہزار میں ٹارگٹ کلنگ کرنے والا گروہ گرفتار

شیعہ نیوز (کراچی) راچی پولیس کا کہنا ہے کہ اس نے پندرہ ہزار روپے کے عوض لوگوں کو قتل کرنے والا چار رکنی ٹارگٹ کلر کا گروہ پکڑا لیا ہے۔
وفاقی حکومت نے گذشتہ سال چار ستمبر کو کراچی میں رینجرز کی سربراہی میں ٹارگٹڈ آپریشن کرنے کا فیصلہ کیا تھا جو تاحال جاری ہے۔
ڈان نیوز کے مطابق ڈی آئی جی ایسٹ منیر شیخ نے منگل کو پریس کانفرنس میں بتایا کہ گرفتار کیا جانے والا گروہ پولیس اہلکار سمیت سات افراد کو قتل کرچکا ہے۔
انہوں نے بتایا کہ ایسٹ زون پولیس نے تین دنوں کے دوران چار خطرناک ٹارگٹ کلرز سمیت تیرہ ملزمان کو گرفتار کیا۔
انہوں نے مزید بتایا کہ یہ ملزمان صرف پندرہ ہزار روپے کے عوض لوگوں کو قتل کرتے تھے اور انہوں نے دوران تفتیش ایک پولیس اہلکار سمیت سات افراد کو قتل کرنے کا انکشاف کیا ہے۔