ایران امریکہ مذاکرات کے پہلے دور میں تہران کو واضح برتری رہی، امریکی تھنک ٹینک کا اعتراف
شیعہ نیوز:امریکی کونسل آن فارن ریلیشن تھنک ٹینک نے ایک رپورٹ میں لکھا ہے کہ ایران امریکہ مذاکرات کا پہلا دور "واضح طور پر تہران کے حق میں رہا”۔
رپورٹ کے مطابق، تہران اور واشنگٹن کے درمیان بالواسطہ مذاکرات کا پہلا دور ہفتے کے روز عمان میں منعقد ہوا۔
اس سلسلے میں امریکی کونسل برائے خارجہ تعلقات کے تھنک ٹینک نے لکھا کہ یہ مذاکرات واضح طور پر تہران کے حق میں رہے۔
اس پالیسی نوٹ میں مزید لکھا گیا: امریکہ پہلے براہ راست مذاکرات پر مصر تھا جب کہ ایران بالواسطہ بات چیت کی شرط عائد کی، تاہم عمان میں مذاکرات بالواسطہ طور پر ہوئے، عمان کے وزیر خارجہ نے فریقین کے درمیان ثالث اور پیغامات کی ترسیل کا کام کیا۔
یہ بھی پڑھیں : جعفر ایکسپریس واقعہ میں افغانستان میں چھوڑا امریکی اسلحہ استعمال کیا گیا، امریکی اخبار
مذاکرات کے اختتام پر، امریکی صدر ڈونلڈ ٹرمپ کے خصوصی ایلچی، سٹیو وٹکوف اور ایرانی وزیر خارجہ عباس عراقچی نے اس عمارت کی راہداری میں ایک مختصر سی گفتگو کی۔
اس رپورٹ میں کہا گیا ہے: JCPOA معاہدے سے 2018 میں دستبرداری اختیار کرنے والے صدر ٹرمپ نے اس مذاکرات میں صرف جوہری مسئلے کی ایرانی شرط قبول کی اور اس کے میزائل پروگرام کو نظر انداز کر دیا۔
اطلاعات کے مطابق عمان میں ہونے والے مذاکرات میں صرف جوہری مسائل پر بات کی گئی اور ایران بھی یہی چاہتا ہے۔
کونسل آن فارن ریلیشنز نے لکھا: ایسا لگتا ہے کہ امریکہ نے شروع ہی سے کمزوری دکھائی اور ایران کے جوہری پروگرام کو ختم کرنے کے ہدف کو ترک کر دیا۔
نیویارک ٹائمز کے مطابق، ٹرمپ اور وٹکوف نے یہ ظاہر کیا ہے کہ ان کا حتمی مقصد ایران کو جوہری ہتھیار بنانے سے روکنا ہے جب کہ مذاکرات سے قبل ٹرمپ حکومت کی جانب سے تہران کے جوہری پروگرام کو مکمل طور پر ختم کرنے یا پیش رفت کو روکنے پر زور دیا گیا تھا۔
اس مضمون میں کہا گیا ہے: وٹکوف کے مذاکراتی طریقوں کو سمجھنا مشکل ہے۔ انہوں نے بات چیت سے قبل وال اسٹریٹ جرنل کو بتایا کہ ان کے خیال میں ہمارا موقف ایران کے پروگرام کو ختم کرنا ہے، تاہم اس کا یہ مطلب نہیں ہے کہ ہم دونوں ممالک کے درمیان مفاہمت کے دوسرے طریقے تلاش نہیں کریں گے۔
تھنک ٹینک کے مطابق، اگر وٹکاف کا مقصد ایک ایسا معاہدہ ہے جو بین الاقوامی جوہری توانائی ایجنسی کو ایران کے جوہری پروگرام کا معائنہ کرنے کی اجازت دیتا ہے جب کہ ایران زیادہ اور زیادہ رینج والے میزائلوں کی تیاری جاری رکھے ہوئے ہے، تو وہ "JCPOA” چاہتا ہے۔ یہ اس حقیقت کے باوجود ہے کہ جب ٹرمپ اس معاہدے سے دستبردار ہوئے تو انہوں نے اسے بدترین معاہدوں میں سے ایک قرار دیا جو امریکہ نے اب تک کیا ہے۔
اس مضمون میں مزید کہا گیا ہے: اب ایسا لگتا ہے کہ ٹرمپ کی سابقہ درخواستوں کو فراموش کیا جا رہا ہے۔
