کالعدم سپاہ صحابہ کا بدنام زمانہ دہشتگرد ابوبکر جہنم واصل

شیعہ نیوز (پاکستانی شیعہ خبر رساں ادارہ) خیبر پختونخوا کے ضلع ڈیرہ اسماعیل خان میں ٹانک روڈ پرحساس اداروں نے بڑی کارروائی کرتے ہوئے کالعدم سپاہ صحابہ کے انتہائی مطلوب دہشتگرد ابوبکر عرف عامر گرنیڈی کو ساتھی غلام جیلانی سمیت ہلاک کردیا۔

سکیورٹی ذرائع کا کہنا ہے کہ قانون نافذ کرنے والے اداروں نے انتہائی اہم و مطلوب دہشتگردوں کی ٹانک روڈ ظفر آباد کے علاقے میں موجودگی کی اطلاع پر سرچ آپریشن کیا۔ ایک مشکوک مکان میں مبینہ دہشت گردوں کی موجودگی پر سکیورٹی اہلکاروں نے مکان کو گھیرے میں لیا، اس دوران مکان میں موجود مسلح دہشت گردوں نے سکیورٹی اہلکاروں پر فائر کھول دیا، جوابی کارروائی میں 2 دہشت گرد مارے گئے۔

ذرائع نے مزید بتایا کہ ہلاک ہونے والے دہشت گرد کالعدم سپاہ صحابہ اورکالعدم تحریک طالبان کے مقامی اقبال کھیارہ گروپ کے اہم کمانڈر تھے، جنکی شناخت عامر ابوبکر عرف گرنیڈی اور غلام جیلانی کے نام سے ہوئی۔ ہلاک ہونے والے دونوں دہشتگرد پولیس کو دہشت گردی سمیت دیگر قتل و غارت کے مقدمات میں مطلوب تھے۔