دہشت گرد جولانی کی سعودی عرب میں ڈونلڈ ٹرمپ سے ملاقات
شیعہ نیوز: امریکی صدر ڈونلڈ ٹرمپ اور شام پر قابض خودساختہ حکومت کے سربراہ محمد جولانی نے سعودی ولی عہد محمد بن سلمان کی موجودگی میں ملاقات کی۔
خبررساں ادارے "النشرہ” نے خبر دی ہے کہ امریکی صدر ڈونلڈ ٹرمپ اور شام پر قابض دہشت گرد گروہ کے سربراہ محمد جولانی نے سعودی ولی عہد محمد بن سلمان کی موجودگی میں ملاقات کی۔
دوسری جانب ترکی کے صدر رجب طیب اردگان نے بھی ویڈیو کانفرنس کے ذریعے اس اجلاس میں شرکت کی۔
یہ بھی پڑھیں : سرایا القدس کا صہیونی جرائم کا منہ توڑ جواب، عسقلان، اسدود اور غزہ کے اطراف میں راکٹوں کی بارش
یہ ملاقات امریکہ اور خلیج فارس ممالک کے اجلاس سے قبل ہوئی۔ خلیجی فارس – امریکہ سربراہی اجلاس میں ٹرمپ نے اپنی تقریر کے دوران کہا کہ الشرع سے ملاقات کے بعد امریکہ شام کے ساتھ تعلقات کی بحالی پر غور کر رہا ہے۔
انہوں نے اس بات پر زور دیا کہ شام پر سے پابندیاں ہٹانے کا ان کا فیصلہ اس ملک کو ایک نیا موقع فراہم کرنے کے لیے کیا گیا ہے۔
خبررساں ایجنسی "اناطولیہ” کے مطابق، اردگان نے اجلاس کے دوران امریکی ہم منصب، احمد الشرع اور سعودی ولی عہد سے کہا کہ ڈونلڈ ٹرمپ کا شام پر پابندیاں ختم کرنے کا فیصلہ تاریخی اہمیت کا حامل ہے۔
اناطولیہ کی رپورٹ کے مطابق، اس چہار فریقی اجلاس کے دوران ترک صدر نے زور دیا کہ ترکی، خاص طور پر داعش کے خلاف جنگ میں، دمشق کی مسلسل حمایت جاری رکھے گا۔
