شیعہ کلنگ، مساجد اور امام بارگاہوں پر حملوں میں ملوث دہشتگرد گرفتار
شیعہ نیوز (پاکستانی شیعہ خبر رساں ادارہ) کراچی میں قانون نافذ کرنیوالے اداروں کی بڑی کارروائی، سائٹ ایریا سے کالعدم وہابی دہشت گرد تنظیم تحریک طالبان پاکستان کا مبینہ دہشت گردجان عالم گرفتار۔ ملزم شیعہ ٹارگٹ کلنگ سمیت مساجد و امام بارگاہوں پر حملے ،پولیس اہلکاروں پرحملوں اور دیگر دہشت گردکارروائیوں میں ملوث ہے۔ ملزم کاڈی ایس پی بہاؤالدین بابرسمیت متعددافسران واہلکاروں کے قتل کا اعتراف۔
تفصیلات کے مطابق کراچی کے علاقے سائٹ ایریا نورس چورنگی کے قریب قانون نافذ کرنے والے اداروں نے کارروائی کرتے ہوئے کالعدم تنظیم تحریک طالبان کےکمانڈر جان عالم کو گرفتار کر لیا۔ ذرائع کے مطابق مبینہ دہشت گرد شہر میں پولیس اہلکاروں کے قتل اور قاتلانہ حملوں سمیت بھتہ خوری اور دہشت گردی کی دیگر وارداتوں میں ملوث ہے۔
سیکیورٹی اداروں کے مطابق ابتدائی تفتیش میں ملزم نے انکشاف کیا کہ ڈی ایس پی بہاؤالدین بابر سمیت متعدد افسران و اہلکاروں کو قتل کیا۔ مبینہ دہشت گرد نے انسپکٹر شفیق تنولی پر خودکش دھماکا کروانے کا اعتراف بھی کیا۔
ملزم نے دہشت گردی کی تربیت افغانستان میں تربیت حاصل کی۔ ملزم پریشرککر بم، ٹینس بال بم اور موٹر سائیکل بم بنانے کا بھی ماہر ہے۔ٹی ٹی پی سوات ملا فضل اللہ گروپ کے کمانڈر شیر بہادر کی ہلاکت کے بعد ملزم کو کمانڈر مقرر کیا گیا ۔ملزم کے دیگر تین ساتھی بھی سی ٹی ڈی ریڈ بک میں شامل ہیں۔
سی ٹی ڈی آپریشن 2 کی جانب سے پریس ریلیز کے مطابق ملزم نے 2013 میں امام بارگاہ عزاخانہ کوثر میں دو بم دھماکے کیے۔مومن آباد تھانے پر دستی بم سے حملہ اور دھماکا کیا۔عائشہ منزل کے قریب موٹر سائیکل بم دھماکا کیا۔انسپکٹر شفیق تنولی پر پرانی سبزی منڈی میں خود کش حملہ کروایامیٹروویل میں دو پولیس اہلکاروں کو شہید کیا،اے این پی کے کارکن امیر سردار کا قتل، پھر قبر پر پریشر ککر بم سے دھماکہ کیااے این پی سندھ کے جنرل سیکرٹری بشیر جان پر بم دھماکا کیا۔گرفتار ملزم سے دہشت گردی سمیت دیگر ساتھیوں کے بارے میں بھی تحقیقات کی جارہی ہیں ۔
