پاراچنار میں تحریک حسینی کے زیر اہتمام امام خمینی کی 33 ویں برسی

شیعہ نیوز:جون کے مہینے کا پہلا ہفتہ ہوری دنیا میں یاد امام خمینی کے طور پر منایا جاتا ہے۔ چنانچہ پاراچنار میں بھی تحریک حسینی پاکستان کے زیر اہتمام امام خمینی کی یاد میں ان کی 33 ویں برسی پوری عقیدت اور احترام کے ساتھ منائی گئی۔ جس میں علاقائی علماء، عمائدین، تنظیموں اور جوانوں نے بھرپور شرکت کی۔ اجتماع سے تحریک حسینی کے سپریم لیڈر سابق سینیٹر علامہ سید عابد حسین الحسینی، تحریک حسینی کے صدر علامہ سید تجمل الحسینی، نائب صدر علامہ سید معین الحسینی اور سیکرٹری انجمن حسینیہ عنایت علی طوری نے خطاب کیا۔ مقررین نے امام خمینی کی انقلابی زندگی پر روشنی ڈالی اور انہیں مسلمین اور مستضعفین جہان کیلئے آواز حق و نجات قرار دیا۔