پاکستان کے سب سے بڑے شہر کی بار ایسوسی ایشن نے اپنی حدود میں اسرائیلی مصنوعات پر پابندی لگادی

شیعہ نیوز: پاکستان کے سب سے بڑے شہر کی بار ایسوسی ایشن نے اسرائیل کی جانب سے فلسطین میں جاری نسل کشی، انسانیت سوز مظالم اور عالمی قوانین کی مسلسل خلاف ورزی کے خلاف احتجاجی طور پر کراچی بار ایسیوسی ایشن کی حدود میں اسرائیل کی کثیر القومی کمپنی "پیپسی” کی تمام مصنوعات کے داخلے پر پابندی لگا دی۔ یہ قدم انسانیت، عدل اور بنیادی انسانی حقوق کی پاسداری کے جذبے کی تحت اٹھایا گیا۔

یہ بھی پڑھیں: رہنما ایم ڈبلیوایم کراچی علامہ مبشر حسن کی صدر کراچی بار ایسوسی ایشن عامر نواز وڑائچ ایڈوکیٹ پر قاتلانہ حملے کی مذمت

کراچی بار ایسوسی ایشن کے صدر عامر نواز وڑائچ اور جنرل سیکرٹری محمد غلام رحمٰن کورائی کے دستخط سے جاری ہوئے ایک نوٹیفیکیشن میں کراچی بار ایسوسی ایشن کی حدود میں پیپسی کی تمام مصنوعات کو ممنوع قرار دیا گیا، اسکے علاوہ تمام ایسوسی ایشن ممبران سے گزارش کی گئی کہ پیپسی کی تمام مصنوعات کے خلاف اس پابندی پر مکمل عمل درآمد کیا جائے۔