سبسڈی کے خاتمے کیخلاف گلگت بلتستان میں احتجاجی تحریک کا آغاز

شیعہ نیوز: عوامی ایکشن کمیٹی گلگت بلتستان نے آج سے باقاعدہ احتجاجی جلسوں کا آغاز کر دیا۔ گندم کی قیمتوں میں اضافے کیخلاف احتجاجی تحریک کے پہلے مرحلے میں گلگت اور سکردو میں احتجاجی مظاہرے ہوئے۔ گلگت دنیور علمدار چوک شاھراہ قراقرم پر احتجاجی جلسہ میں کثیر تعداد میں عوام نے شرکت کی اور اپنے حقوق کے حصول، گندم سبسڈی میں کمی کیخلاف احتجاج ریکارڈ کرایا گیا۔ ادھر سکردو میں یادگار چوک پر مظاہرہ کیا گیا۔ مظاہرین کا کہنا تھا کہ جب تک حکومت گلگت بلتستان اپنے ناجائز ظالمانہ فیصلے واپس نہیں لیتی اس وقت تک احتجاجی جلسے پورے گلگت بلتستان میں جاری رہینگے اور حکومت کیساتھ کسی قسم کے مذاکرات نہیں ہونگے۔ عوامی مطالبات فوری حل نہیں کئے تو چلو چلو گلگت چلو کی تحریک کا آغاز کرینگے۔