بے گناہ کا خون کبھی بھی ظالم کے دامن سے مٹتا نہیں، پزشکیان

شیعہ نیوز: امریکی کانگریس میں صیہونی حکومت کے وزیر اعظم کی موجودگی اور تقریر کے بارے میں نو منتخب صدر نے لکھا کہ نہ تو معصوم لوگوں اور بے گھر بچوں کے قتل کے جرم کو نظر انداز کیا جا سکتا ہے اور نہ ہی کھڑے ہوکر احترام کرکے مجرم کو گناہوں سے پاک کیا جا سکتا ہے۔

ایران کے نومنتخب صدر مسعود پزشکیان نے سوشل نیٹ ورک ایکس پر صیہونی حکومت کے وزیر نیتن یاہو کی امریکی کانگریس میں حاضری اور تقریر پر لکھا کہ "نہ ہی معصوم لوگوں اور بے پناہ بچوں کو قتل کرنے کا جرم نظر انداز کیا جا سکتا ہے اور نہ ہی کھڑے ہوکر تالیاں بجا کر مجرموں کو پاک کیا جا سکتا ہے۔ بے گناہ کا خون کسی بھی صورت میں ظالموں کو چھوڑتا نہیں۔ .و سَیعلَمُ الّذینَ ظَلَموا أَی مُنقَلَبٍ ینقَلِبونَ

یہ بھی پڑھیں : مانچسٹر ایئرپورٹ پر پولیس کا پاکستانی نوجوان پر تشدد

انہوں نے کہا کہ کھڑے ہوکر استقبال کرنے سے ظالم کے دامن پر لگے داغ نہیں مٹ سکتے ہیں۔ خون کبھی بھی ظالم کا پیچھا نہیں چھوڑتا ہے۔

یاد رہے کہ گذشتہ سال اکتوبر کے بعد سے اب تک غزہ میں صہیونی جارحیت کی وجہ سے 39175 افراد شہید اور 90403 زخمی ہوگئے ہیں۔

شہداء اور زخمیوں میں خواتین اور معصوم بچوں کی بڑی تعداد بھی شامل ہے۔