غزہ میں اسرائیلی فوج کی ہلاکتین مزاحمت کے تسلسل اور اسرائیلی شکست کا ثبوت ہے، حماس

شیعہ نیوز: اسلامی تحریک مزاحمت حماس نے کہا ہے کہ فلسطینی مزاحمتی دھڑوں کی جانب سے غزہ میں مسلسل مزاحمت اور قابض فوجیوں کو پہنچنے والا جانی اور مالی نقصان صہیونی ریاست کی غزہ میں شکست کا ثبوت ہے۔

حماس کی طرف سے جاری ایک پریس بیان میں کہا گیا ہے کہ شہید عزالدین القسام بریگیڈز کی قیادت میں فلسطینی مزاحمتی قوتیں روزانہ دشمن پر مہلک حملے کررہی ہیں۔

یہ بھی پڑھیں : پاکستان کشمیر سے کبھی لاتعلق نہیں رہ سکتا، انجینئر امیر مقام

بیان میں کہا گیا ہے کہ قابض صہیونی فوج کو سوموار کے روز شمالی غزہ میں مزاحمت کی طرف سے مہلک حملے کا سامنا کرنا پڑا جب کہ اس سے ایک روز قبل بھی غزہ میں پندرہ صہیونی فوجی جہنم واصل ہوئے۔ یہ ہلاکتیں غزہ میں قابض صہیونی فوج کی شکست کا ثبوت ہیں۔

حماس نے بیان میں اس بات پر زور دیا کہ سوموار کے روز ہماری بہادر مزاحمت نے دشمن فوج پر بھرپور حملہ کیا۔ یہ پہلا حملہ نہیں بلکہ قابض فوج کو روزانہ کی بنیاد پر مسلسل حملوں کا سامنا ہے۔

غزہ میں قابض فوج کی ہلاکتیں صہیونی دشمن کی شکست کا منہ بولتاثبوت ہیں۔

خیال رہے کہ گذشتہ روز شمالی غزہ میں اسرائیلی فوج پر حملے میں پانچ صہیونی فوجی جہنم واصل ہوئے تھے جب کہ اتوار کے روز غزہ سے 15 صہیونی فوجیوں کی لاشیں منتقل کی گئیں۔