غزہ پر جارحیت روکنے کے مذاکرات کے لیے وفد جلد قاہرہ جائے گا، اسماعیل ھنیہ
شیعہ نیوز: اسلامی مزاحمتی تحریک مزاحمت حماس کے سیاسی بیورو کے سربراہ اسماعیل ھنیہ نے قطری وزیر اعظم اور وزیر خارجہ الشیخ محمد عبدالرحمن آل ثانی اور مصری وزیر انٹیلی جنس میجر جنرل عباس کامل کے ساتھ فلسطینی عوام کے خلاف جاری اسرائیلی جارحیت کو روکنے کے لیے مذاکرات مکمل کرنے پر اتفاق کیا۔
اسماعیل ہنیہ نے قطری وزیر اعظم سے فون پر بات کی اور ان سے ہمارے فلسطینی عوام کے خلاف جارحیت کو روکنے کے حوالے سے مذاکرات میں ہونے والی تازہ پیش رفت پر تبادلہ خیال کیا۔
انہوں نے ثالثی میں قطر کے کردار کو سراہا اور جنگ بندی کی تجویز کا مطالعہ کرنے میں حماس کے مثبت جذبات کا اظہار کیا۔
یہ بھی پڑھیں : غزہ میں نسل کشی صیہونیوں کا وطیرہ، سید عبد الملک بدرالدین الحوثی
دونوں فریقوں نے جاری بات چیت کو اس مقصد کے ساتھ مکمل کرنے پر اتفاق کیا کہ قطر اور مصر کی ثالثی میں ہونے والے معاہدے کو اس طرح سے پختہ کیا جائے جس سے ہمارے عوام کے مطالبات پورے ہوں اور ان کے خلاف جارحیت کو روکا جاسکے۔
ہنیہ نے مصری وزیر انٹیلی جنس کو بھی ٹیلی فون کیا۔ انہوں نے مصر کی طرف سے ادا کیے گئے کردار کو سراہتے ہوئے جنگ بندی کی تجویز کا مطالعہ کرنے میں حماس کے مثبت جذبے کا اظہار کیا۔
اسماعیل ھنیہ نے وزیرانٹیلی جنس عباس کامل کو بتایا کہ ان کی جماعت کا مذاکراتی وفد جلد از جلد مصر آئے گا تاکہ جاری بات چیت کو ایک ایسے معاہدے کی تکمیل کے لیے بنایا جائے جو ہمارے عوام کے مطالبات کو پورا کرے اور جارحیت کو روکنے کے لیے موثر بات چیت کرے۔
