جنت البقیع کا انہدام عالم اسلام کیلئے لمحہ فکریہ ہے، محمد شہر یار

شیعہ نیوز:8 شوال یوم انہدام جنت البقیع کے حوالے سے امامیہ اسٹوڈنٹس آرگنائزیشن پاکستان کے مرکزی جنرل سیکرٹری محمد شہر یار کا کہنا تھا کہ جنت البقیع کا انہدام عالم اسلام کیلئے لمحہ فکریہ ہے، جنت البقیع مدینہ منورہ میں واقع قبرستان ہے جس میں اُمہات المومنین، جلیل القدر اصحاب، تابعین اور دوسرے اہم افراد کی قبور ہیں، جنہیں 8 شوال 1344 ہجری قمری کو آل سعود نے منہدم کر دیا تھا، یہ دن تاریخ اسلام کا سیاہ ترین دن ہے جب جنت البقیع کے مزارات مقدسہ کو منہدم و مسمار کیا گیا۔

محمد شہریار کا کہنا تھا کہ اُمت مسلمہ کی خاموشی نے چند سال قبل دشمنان اسلام کو اتنی جرات اور ہمت بخشی کے نوبت کربلا، بغداد، مکہ اور شام کے مقدس مقامات سے لیکر اب فلسطینی اور یمنی مسلمانوں پر مظالم تک آن پہنچی تھی۔ انہوں نے حکومت پاکستان سمیت عالمی برادری سے مطالبہ کیا کہ جنت البقیع اور جنت المعلیٰ میں ازواج رسول اکرمﷺ اور اہلبیت رسول سمیت صحابہ کرام کے مزارات مقدسہ کی ازسرنو تعمیر میں اپنا مثبت کردار ادا کرے۔