حزب اللہ کے ہاتھوں صیہونی فوج کی تباہی کا سلسلہ جاری، ایک اور فوجی ہلاک
شیعہ نیوز : صیہونی فوج نے لبنانی مزاحمتی فورسز کے ساتھ جنگ میں اپنے ایک اور فوجی کی ہلاکت کا اعتراف کیا ہے۔
الجزیرہ کے حوالے سے بتایا ہے کہ صیہونی فوج نے لبنان کے محاذ پر اپنے ایک اور فوجی کی ہلاکت کا اعتراف کیا ہے۔
قابض فوج نے تصدیق کی ہے کہ 228ویں بریگیڈ کی 8207ویں بٹالین کا ایک سپاہی زخموں کی تاب نہ لاتے ہوئے چل بسا۔ صیہونی سپاہی حزقیہ شبطائی 26 اکتوبر کو حزب اللہ کے مجاہدین کے ساتھ جھڑپ کے دوران زخمی ہو گیا تھا۔
یہ بھی پڑھیں : شہید حسن نصر اللہ نے خطے کے سیاسی معاملات میں اہم کردار ادا کیا، جت الاسلام ابو ترابی فرد
قبل ازیں قابض فوج کے ترجمان نے تصدیق کی تھی کہ لبنان میں حالیہ ہفتوں کی لڑائیوں میں پانچ فوجی مارے گئے جب کہ 16 زخمی ہوئے ہیں۔
اسی دوران لبنان کی حزب اللہ نے اطلاع دی ہے کہ اس نے کفرکلا قصبے کے شمال مغرب میں قابض فوج کے ملٹری لوڈر کے ساتھ پیش قدمی کرنے والے صہیونی فوجیوں کو گائیڈڈ میزائل سے نشانہ بنایا ہے
