مقاومت اسلامی عراق کا صہیونی بندرگاہ حیفہ پر ڈرون حملہ

شیعہ نیوز: مقاومت اسلامی عراق نے صہیونی بندرگاہ حیفہ پر ڈرون حملے کا دعویٰ کیا ہے۔

مقاومت اسلامی عراق نے کہا ہے کہ تنظیم نے جمعہ کو علی الصبح حیفا میں صہیونی بندرگاہ حیفہ پر ڈرون حملہ کیا ہے۔

تنظیم نے دو ڈرون طیاروں کی تصویر جاری کردی ہے جو صہیونی بندرگاہ حیفہ کی طرف حرکت کررہے ہیں۔

یہ بھی پڑھیں : لندن میں شہید رئیسی کو خراج عقیدت پیش کرنے کے جلسے میں سیکڑوں طرفداروں کی شرکت

مقاومت اسلامی عراق نے ایک بیان میں کہا ہے کہ صہیونی حکومت کی جانب سے فلسطینی عوام پر مظالم کے ردعمل میں اسرائیل پر حملے جاری رہیں گے۔

دوسری جانب اسرائیلی ذرائع ابلاغ نے کہا ہے کہ ایلات میں زوردار دھماکے کی آواز سنی گئی ہے۔

یاد رہے کہ غزہ کے خلاف اسرائیلی جارحیت شروع کے بعد کئی ممالک سے تعلق رکھنے والی مقاومتی تنظیموں نے اسرائیل کے خلاف حملے شروع کررکھے ہیں۔