عراق سمیت پورا خطہ نازک ترین مرحلے سے گزر رہا ہے، حزب اللہ عراق

شیعہ نیوز: عراقی حزب اللہ کے اعلی رہنما نے کہا ہے کہ عراق اور پورا خطہ اس وقت اپنی سب سے زیادہ نازک اور خطرناک صورتحال سے دوچار ہیں۔

رپورٹ کے مطابق عراقی مقاومتی تنظیم حزب اللہ کے سیکریٹری جنرل ابوحسین الحمیداوی نے کہا ہے کہ عراق اور پورا خطہ اس وقت اپنی سب سے زیادہ نازک اور خطرناک صورتحال سے دوچار ہیں۔

یہ بھی پڑھیں : امریکی ارکان کانگریس کا تین رکنی وفد اسلام آباد پہنچ گیا

الحمیداوی نے عوام سے اپیل کی ہے کہ وہ حالات کی نزاکت کو سمجھتے ہوئے ذمے داری کا مظاہرہ کریں تاکہ دشمن عناصر کو امت اور قوم کے خلاف سازشوں کا موقع نہ مل سکے۔

انہوں نے عراق میں آئندہ پارلیمانی انتخابات کی طرف اشارہ کرتے ہوئے اس میں بھرپور عوامی شرکت کی ضرورت پر زور دیا۔

ابوحسین الحمیداوی نے مزید کہا کہ ہمیں چاہیے کہ امیرالمؤمنین (ع) کے وطن کے امین بن کر اسلامی اقدار اور مظلوموں کا دفاع کریں اور ظالموں کے خلاف ڈٹ کر کھڑے ہوں۔