ایک آزاد اور خودمختار فلسطینی ریاست کا قیام مشرق وسطیٰ کی سلامتی کی ضمانت ہے، روس
شیعہ نیوز: روس نے اس بات پر زور دیا ہے کہ فلسطینی عوام کے ایک آزاد اور خودمختار ریاست کے قیام کے حق کا نفاذ پورے مشرق وسطیٰ کے لیے ایک مضبوط سلامتی کی ضمانت ہو گا۔
یہ بات روسی وزارت خارجہ کی ترجمان ماریا زاخارووا نے جمعرات کو ماسکو میں ایک پریس کانفرنس میں کہی۔
انہوں نے کہا کہ مزید یہ کہ مغربی کنارے اور غزہ کی پٹی کے انتظامی اتحاد کو فلسطینی قیادت میں برقرار رکھا جانا چاہیے۔
یہ بھی پڑھیں : امریکی صدر نے 25 ممالک پر ٹیرف لگانے کے بعد جوابی ٹیرف کے ایگزیکٹو آرڈر پر دستخط کر دیئے
زاخارووا نے کہا کہ روس غزہ میں فوری جنگ بندی کے حصول اور تمام قیدیوں کی رہائی پر اصرار کرتا ہے۔
انہوں نے مزید کہا کہ "فلسطینی عوام کے اپنی آزاد، خودمختار ریاست کے قیام کے حق پر عمل درآمد پورے مشرق وسطیٰ کے خطے کے لیے ٹھوس سلامتی کی ضمانت دے گا”۔
زاخارووا نے غزہ کی صورت حال کو بہتر بنانے کے لیے عرب اور مسلمان ممالک کے اقدامات کے لیے ماسکو کی حمایت کا اظہار کیا۔
انہوں نے فلسطین میں اقوام متحدہ کے کردار کو فعال کرنے کی ضرورت پر زور دیا۔
