حکومت ملکی سطح پر امریکی و اسرائیلی مصنوعات کا بیکاٹ کریں،علامہ مبشر حسن

شیعہ نیوز:مجلس وحدت مسلمین پاکستان کراچی ڈویژن کا پولٹیکل کونسل کا اجلاس وحدت ہاوس انچولی میں ،علامہ مبشر حسن کی سرباہی میں منعقد ہوا ،اجلاس سے خطاب کرتے ہوئے پولٹیکل سیکرٹری علامہ مبشر حسن نے کہا کہ حکومت ملکی سطح پر امریکی و اسرائیلی مصنوعات کا بیکاٹ کریں۔مسلم ممالک اسرائیل کو تیل و گیس کے معائدے ختم کریں۔ اجلاس میں ،یعقوب شہباز ،آصف صفوی ،،زیشان حیدر ،کاظم عباس ،معمبر رضا ،عباس حیدر سمیت دیگر اراکین بھی موجود تھے انہوں نے مطالبہ کیا کہ حکومت پاکستان اور مسلم ممالک امریکہ و اسرائیل سے اپنے سفارتی تعلقات ختم کریں۔ مسئلہ فلسطین امت مسلمہ کا بنیادی مسئلہ ہے ۔فلسطین کاز کیلئے یک جان ہیں۔39دنوں میں فلسطین میں اسرائیلی بربریت، دہشت، وحشت اور حیوانیت جاری ہے۔فلسطین میں یزیدیت جاری ہے ۔مسئلہ فلسطین جے حل کیلئے دنیا بھر کی طرح ملکی تمام سیاسی و مذہبی جماعتیں ایک ہیں ۔اسرائیل و امریکہ اس دور کے یزید ہیں ۔دور حاضر کے یزید کے خلاف ملکی تمام سیاسی و مذہبی جماعتوں کو اپنا کردار حسین ابن علی علیہ کی طرح ادا کرنا ہوگا۔انہوں نے کہا کہ سیاسی و مذہبی جماعتوں کو اپنے انتخابی منشور میں مسئلہ فلسطین کو شامل کرنا ہوگا۔اقوام متحدہ اسرائیل جارحیت پر مجرمانہ خاموشی اختیار کئے ہوئے ہیں۔صہیونیت دنیا کے امن اور انسانیت کیلئے خطرہ ہے ۔استعماری طاقتیں انشاء اللہ فلسطین میں ناکام ہوگی ۔شہدائے فلسطین کو خراج عقیدت و خراج تحسین پیش کرتے ہیں۔کا39روز سے اسرائیلی جارحیت جاری ہے۔57 اسلامی ممالک کے سامنے نہتے فلسطینی مسلمان اپنی جدوجہد کر رہے ہیں ۔۔انہوں نے کہا کہ فلسطینی مزاحمتی تنظیموں کو سلام پیش کرتے ہیں جنہوں نے اسرائیلی گمنڈ توڑ دیا۔امریکہ اسرائیل کی پشت پر کھڑے ہوکر فلسطین سمیت مشر وسطی میں دہشتگردی کر رہا ہے۔