بلاول بھٹو سندھ حکومت کی قانونی بھتہ خوری کا نوٹس لیں۔رہنماایم ڈبلیو ایم
شیعہ نیوز:مجلس وحدت مسلمین کراچی کے سیکرٹری اطلاعات آصف صفوی نے کہاہے کہ صوبائی حکومت عوامی مشکلات کا باعث بنتی جارہی ہے جبری اجرک والی نمبر پلیٹس کی تبدیلی کاکاروبار شروع کر دیا ہے۔نئی نمبر پلیٹس کے نام پر شہریوں سے رقم وصول کرنا بھتہ خوری کی مذمت کرتے ہے۔عوام سندھ سرکار کی نا اہلی کی وجہ سے مختلف بحرانوں کا شکار ہے شہر میں پانی، بجلی کی رسد،صحت و تعلیم، سڑکوں پر بے ہنگم ٹریفک، مختلف اضلاع میں سفائی و ستھرائی کے ناقص انتظامات اور ملازمتوں کے انتظار میں بوڑھے ہورہے ہیں ان مسائل کے حل کیلئے کوئی سدباب نہیں وہاں شہریوں سے رقم وصول کرنے میں پھرتیاں دیکھائی جارہی ہیں۔بلاول بھٹو سندھ حکومت کی قانونی بھتہ خوری کا نوٹس لیں اگر نمبر پلیٹس کی تبدیلی اتنی ہی ضروری ہے تو شہریوں کو مشکلات میں دالنے کے بجائے مفت فراہم کی جائے۔ اپنے بیان میں ان کا کہنا تھا کہ ملکی عوام آٹا،چینی،ایشائے خوردونوش،مختلف مافیاز سمیت بے جا لگائے جانے والے ٹیکس سے تنگ ہیں ملک میں مصنوعی مہنگائی اتحادی حکومت کی دین ہے وفاقی و سندھ حکومتیں ذخیرہ اندوزی روکنے میں ناکام ہوگی ہے۔ پی ڈی ایم ٹو اتحادی صرف عوام کو ریلیف دینے کی باتیں ہی کر رہے ہیں عملی اقدام کچھ نہیں ملک بھر میں ہنگامی بنیادوں پر عوام کو ریلیف دینے کیلئے اقدمات کئے جائیں مصنوعی مہنگائی پھیلانے والے ذخیرہ اندوزوں کے خلاف سخت کاروائی کر کے قیمتوں کو مستحکم کیا جائے۔
