فلسطینیوں پر مظالم کا اثر، ہزاروں اسرائیلی فوجی شدید ذہنی و نفسیاتی بیماری میں مبتلا

شیعہ نیوز: فلسطینی عوام پر ظلم و ستم کرنے والے اسرائیلی فوجی اہلکاروں میں ذہنی و نفسیاتی بحران میں خطرناک حد تک اضافہ ہورہا ہے۔

رپورٹ کے مطابق فلسطینی علاقوں میں تعیینات اسرائیلی فوجی اہلکاروں میں ذہنی و نفسیاتی بحران میں خطرناک حد تک اضافہ ہورہا ہے۔

یہ بھی پڑھیں : شاباک کے سربراہ کی برطرفی کا اصل سبب “قطر گیٹ” ہے، یائیر لاپیڈ

صیہونی وزارت جنگ کے نفسیاتی شعبے نے اعلان کیا ہے کہ جنگ کے آغاز سے اب تک 16 ہزار 500 صیہونی فوجیوں میں نفسیاتی اور ذہنی بیماریوں کا انکشاف ہوا ہے۔ ان میں سے 7 ہزار 300 فوجی شدید نفسیاتی و ذہنی دباؤ میں مبتلا ہیں اور مختلف علاج کے عمل سے گزر رہے ہیں۔

اسرائیل کی قومی سلامتی کونسل کے سابق سربراہ یعقوب نیگل نے بھی خبردار کیا ہے کہ صیہونی فوج میں افرادی قوت کا بحران شدت اختیار کرتا جارہا ہے خصوصا طوفان الاقصی کے بعد یہ مسئلہ مزید سنگین ہوچکا ہے۔