عالمی برادری شفا ہسپتال میں صہیونی بربریت کو روکنے کے لئے اقدام کرے، حماس

شیعہ نیوز: فلسطینی اسلامی مزاحمتی تحریک (حماس)  نے عالمی برادری سے اپیل کی ہے کہ غزہ کے شفا ہسپتال میں صہیونی فورسز کی جارحیت کو روکنے کے لئے فوری اقدام کرے۔

فلسطینی ذرائع ابلاغ نے کہا ہے کہ مقاومتی تنظیم حماس نے غزہ کے شفاء ہسپتال میں جاری صہیونی فورسز کی درندگی اور جارحیت پرتشویش کا اظہار کرتے ہوئے عالمی برادری سے فوری طور پر مداخلت کی اپیل کی ہے۔

یہ بھی پڑھیں : شام، الحسکہ میں امریکی فوجی اڈے پر میزائل اور ڈرون حملہ

تنظیم نے ایک بیان میں کہا ہے کہ شفاء ہسپتال میں جاری صہیونی جارحیت کے حوالے سے عالمی برادری کی خاموشی قابل مذمت ہے۔ بین الاقوامی سطح پر خاموشی اختیار کرنے اور کوئی اقدام نہ ہونے کی وجہ سے غزہ میں انسانی المیہ درپیش ہے۔

صہیونی فورسز نےمسلسل چھے دنوں سے شفا ہسپتال اور اطراف کے علاقوں کو محاصرے میں لیا ہوا ہے۔ دوسری طرف اقوام متحدہ اور عالمی اداروں کی جانب سے کوئی ردعمل سامنے نہیں آرہا ہے۔

حماس نے مزید کہا ہے کہ مسلمان ممالک او امت مسلمہ عالمی برادری پر دباو بڑھانے کے لئے اقدام کریں تاکہ غزہ میں جاری صہیونی بربریت اور درندگی کا سلسلہ رک جائے۔

فلسطینی تنظیم حماس نے اس عزم کو دہرایا ہے کہ صہیونی جارحیت اور مظالم کی وجہ سے فلسطینی عوام کی استقامت اور ارادے میں کوئی کمی نہیں آئے گی بلکہ فلسطینی عوام اپنی تقدیر کے لئے پہلے کی طرح مضبوط ارادے کے ساتھ قائم رہیں گے۔