اسرائیلی معیشت مکمل طور پر مفلوج ہوچکی ہے، صہیونی اخبار

شیعہ نیوز: صہیونی اخبار کے مطابق ایرانی میزائل حملوں کہ وجہ سے اسرائیلی معیشت تباہی کے دہانے پر پہنچ گئی۔

رپورٹ پر کے مطابق صہیونی اخبار یدیعوت آحارونوت نے اعتراف کیا ہے کہ ایران کے وسیع پیمانے پر میزائل حملوں کے نتیجے میں اسرائیل کی معیشت تقریباً مکمل طور پر مفلوج ہو چکی ہے، اور اب تک 12 ہزار سے زائد افراد نے مالی نقصانات کے ازالے کے لیے درخواستیں جمع کروائی ہیں۔

یہ بھی پڑھیں : پاکستان اور ترکی کے وزرائے خارجہ کی ایران کے خلاف بلاجواز اسرائیلی جارحیت کی مذمت

اس رپورٹ کے مطابق ایران کی جانب سے مقبوضہ علاقوں پر ہونے والے مہلک اور ہمہ گیر حملوں کے سبب مختلف اقتصادی شعبے شدید متاثر ہوئے ہیں۔ اس کے نتیجے میں اسرائیلی وزارت خزانہ کو شدید مالی دباؤ کا سامنا ہے۔

صہیونی اخبار کے مطابق وزارت خزانہ اس وقت ان نقصانات کے ازالے کے لیے ایک بہت بڑے بجٹ کی فراہمی کے سلسلے میں وسیع پیمانے پر مذاکرات اور مالی منصوبہ بندی کر رہی ہے۔

وزارت نے اس بات کا بھی اعتراف کیا ہے کہ معیشت کے تقریباً تمام شعبے عملی طور پر مفلوج ہو چکے ہیں، اور ان خطرناک نتائج کا دائرہ کار تیزی سے وسعت اختیار کر رہا ہے۔