یمن کے خلاف فوجی اتحاد بدترین انجام سے دوچار ہوگا، محمد البخیتی
شیعہ نیوز: یمنی تنظیم انصاراللہ نے کہا ہے کہ امریکہ کی سربراہی میں یمن کے خلاف تشکیل پانے والا فوجی اتحاد بدترین انجام سے دوچار ہوگا۔
رپورٹ کے مطابق یمنی مقاومتی تنظیم انصاراللہ کے سیاسی دفتر کے رکن محمد البخیتی نے کہا ہے کہ امریکہ یمن کے خلاف علاقائی ممالک کے ساتھ فوجی اتحاد تشکیل دینے کی کوشش کررہا ہے۔ یہ اتحاد تاریخ کا بدترین اتحاد ہے۔
یہ بھی پڑھیں : صیہونی حکومت، کچھ کامیابی حاصل کرنے کے لئے داعش سے زیادہ بھیانک جرائم کا ارتکاب کر رہی ہے، عبد اللہیان
انہوں نے کہا کہ یمن اپنے خلاف تشکیل پانے والے ہر اتحاد کا بہادری کے ساتھ سامنا کرنے کے لئے تیار ہے۔ دنیا غزہ میں صہیونی حکومت کی انسانیت سوز جنایتوں کو دیکھ رہی ہے۔
البخیتی نے کہا کہ عالمی برادری صہیونی حکومت کی جنایتوں کی حمایت کے لئے تشکیل پانے والے فوجی اتحاد کے بارے میں کیا موقف اختیار کرے گی؟ یمن پوری طاقت اور بہادری کے ساتھ صہیونی حکومت کے مظالم اور اپنے خلاف تشکیل پانے والے اتحاد کے سامنے ڈٹا رہے گا۔
یاد رہے کہ بحیرہ احمر میں یمنی فوجی کاروائیوں کے بعد امریکہ نے کثیر ملکی فوجی اتحاد تشکیل دینے کے لئے کوششیں شروع کی ہیں۔
