انتہائی جدید ترین جہاز اور ہتھیاروں کو فوج کے سپرد کیے جائیں گے، ریئر ایڈمرل شہرام

شیعہ نیوز: ایران کی اسٹریٹیجک نیول فورس کے کمانڈر ریئر ایڈمرل شہرام ایرانی نے انتہائی جدید ترین جہازوں اور مقامی طور پر تیار کردہ خصوصی ہتھیاروں کی شمولیت کا اعلان کرتے ہوئے کہا ہے کہ ان ہتھیاروں اور آلات کو دیکھ کر دشمن حیران رہ جائیں گے۔

ریئر ایڈمرل شہرام ایرانی نے انٹرویو دیتے کہا کہ نئے آلات اور ہتھیاروں میں نیو جنریشن ٹیکنالوجی اور انتہائی پیچید ڈیٹرینس سسٹم سے کام لیا گیا ہے اور دشمنوں کو ہمارے تیار کردہ ہتھیاروں اور آلات کی توانائیوں اور کارکردگی کا کوئی علم نہیں۔

یہ بھی پڑھیں : پاراچنار میں راستوں کی بندش کے سبب تمام تعلیمی ادارے بند کر دیے گئے

انہوں نے بتایا کہ بحریہ کو جن ہتھیاروں اور آلات سے لیس کیا جارہا ہے ان میں مختلف اقسام کے لانگ رینج میزائل اور ڈرون طیارے بھی شامل ہیں اس کے علاوہ سرفیس اور انڈر سرفیس فلوٹنگ یونٹ بھی بحریہ کے حوالے کیے جائیں گے جن کی ریج 2 ہزار کلومیٹر سے زیادہ ہوگی۔

ریئر ایڈمرل شہرام ایرانی نے مزید کہا کہ مذکورہ ہتھیاروں اور آلات کی بہت جلد نقاب کشائی کی جائے گی اور اس کے لیے اگلے ہفتے خصوصی تقریب کے انعقاد کی تیاریاں کی جارہی ہیں۔