مسلم اُمہ ایک عظیم لیڈر سے محروم ہونے پر سوگوار ہے، پیپلز پارٹی پنجاب

شیعہ نیوز: پاکستان پیپلز پارٹی وسطی پنجاب کی قیادت نے ایرانی صدر کی ہیلی کاپٹر حادثے میں شہادت پر شدید افسوس کا اظہار کیا ہے۔ اپنے الگ الگ بیانات میں پاکستان پیپلز پارٹی کے جنرل سیکرٹری سید حسن مرتضی اور سینئر نائب صدر پیپلز پارٹی وسطی پنجاب رانا فاروق سعید نے کہا کہ ہم ایرانی صدر ابراہیم رئیسی اور وزیر خارجہ حسین امیرعبداللہیان کی شہادت پر ایرانی قوم سے اظہارِ تعزیت کرتے ہیں، آج عالمِ اسلام کیلئے انتہائی رنج و اَلم کا دن ہے، ابراہیم رئیسی کی ہیلی کاپٹر حادثے میں شہادت عالمِ اسلام کیلئے ناقابلِ تلافی نقصان ہے۔ انہوں نے کہا کہ اندوہناک واقعہ پر ہر پاکستانی اپنے ایرانی بھائیوں کیساتھ ہیں، مسلم امہ ایک عظیم لیڈر سے محروم ہونے پر سوگوار ہے۔ کشمیریوں اور فلسطینیوں کیلئے صدر ابراہیم رئیسی  خصوصی درد دل رکھتے تھے۔