جنوبی لبنان کیخلاف صیہونی حملے جاری

شیعہ نیوز: عرب میڈیا نے گذشتہ شب جنوبی لبنان کے مختلف علاقوں پر غاصب صیہونی رژیم کے ہوائی حملوں کی اطلاع دی ہے۔ رپورٹ کے غاصب صیہونی رژیم نے گذشتہ شب کے دوران لبنان کے جنوب میں 13 علاقوں کو ہوائی اور توپخانے کے حملوں سے متعدد بار نشانہ بنایا ہے۔ جنوبی لبنان میں الجزیرہ کے نامہ نگار کے مطابق صہیونی لڑاکا طیاروں نے کفر حمام، طیردبا، قبریخا، عیتا الشعب، حانین، الحوش اور الخیام نامی لبنانی قصبوں پر حملے کئے۔ اس حوالے سے لبنانی خبررساں ایجنسی نے بھی اعلان کیا ہے کہ غاصب صیہونی رژیم کے توپخانے نے جنوبی لبنان کے شہروں جرماش، القصر، البساتین، رامیا، بیت لیف اور حبوش پر فاسفورس کے حامل ممنوعہ گولہ بارود سے بمباری کی ہے۔