UNRWA کی امداد میں کٹوتی کرکے فلسطینی عوام کو تنہا نہیں چھوڑا جاسکتا، ناروے

شیعہ نیوز: ناروے کے وزیر خارجہ اسپن بارٹ اید نے ان تمام ممالک سے جنہوں نے فلسطینی پناہ گزینوں کے لیے اقوام متحدہ کی ریلیف اینڈ ورکس ایجنسی (UNRWA) کو دی جانے والی مالی امداد روک دی ہے، اپنے اقدامات کے نتائج پر غور کرنے کی اپیل کی ہے۔

رپورٹ کے مطابق اید نے اپنے سوشل میڈیا پر لکھا کہ یہ وہ وقت نہیں کہ UNRWA کی مالی امداد بند کرکے فلسطینی عوام کو تنہا چھوڑ دیا جائے۔

یہ بھی پڑھیں : یمن کی فوجی طاقت کو کوئی ختم نہیں کر سکتا، محمد عبد السلام

ناروے کے وزیر خارجہ نے یورپی یونین کی خارجہ پالیسی کے چیف جوزپ بورل کے اس بیان کی حمایت کی جسمیں انہوں نے خبردار کیا تھا کہ اقوام متحدہ کی فلسطینی پناہ گزینوں کے لیے ریلیف اینڈ ورکس ایجنسی (UNRWA) کی امداد میں کٹوتی ایک خطرناک اقدام ہے جس سے لاکھوں زندگیاں خطرے میں پڑ جائیں گی۔

امریکہ سمیت متعدد یورپی ممالک نے غزہ کے لوگوں کو امداد فراہم کرنے میں سب سے اہم ایجنسیوں میں شامل UNRWA کی 440 ملین ڈالر کی امداد منقطع کر دی ہے۔

UNRWA نے خبردار کیا ہے کہ اگر امداد کی معطلی جاری رہی تو فروری کے آخر تک اس کی سرگرمیاں معطل ہو سکتی ہیں۔