رسولﷺ نے قدم قدم پر اپنی آل سے محبت کا درس دیا،علامہ حسن ظفر

شیعہ نیوز (پاکستانی شیعہ خبر رساں ادارہ)معروف عالم دین و خطیب علامہ حسن ظفر نقوی نے عشرہ محرم الحرام کی مجلس عزا ء سے خطاب کرتے ہوئے کہا کہ اللہ کے ر سول صلی اللہ علیہ وآلہ وسلم نے قدم قدم پر اپنی آل سے محبت کا درس دیا ،رسول صلی اللہ علیہ وآلہ وسلم اپنے دونوں شہزادوں امام حسن اور امام حسین علیہ السلام کو اپنے شانوں پر بٹھا کر مدینے کی سیر کراتے تھے۔ آج اگر ساری دنیا میں امام عالی مقام کی یاد منائی جاتی ہے تو اس کا سبب یہی ہے کہ آپ نے ساری محبتوں کو اللہ کی محبت پر قربان کر دیا ۔ علامہ حسن ظفر نے کہا کہ آج میں پھر عزاداروں سے درخواست کرتا ہوں کہ وہ کرونا سے بچائوکے لئے تمام احتیاطی تدابیر پر عمل کریں۔