شمالی غزہ کے لوگوں کی واپسی مزاحمت کی تاریخی فتح ہے، اسلامی جہاد موومنٹ
شیعہ نیوز :فلسطین کی اسلامی جہاد موومنٹ نے شمالی غزہ کے لاکھوں باشندوں کی واپسی کو تاریخی فتح قرار دیتے ہوئے کہا کہ فلسطینی قوم کی استقامت نے صہیونیوں کی امیدوں پر پانی پھیر دیا۔
رپورٹ کے مطابق، فلسطین کی اسلامی جہاد موومنٹ نے ایک بیان میں کہا ہے کہ لاکھوں بے گھر افراد اور شمالی غزہ کے باشندے ایک تاریخی موڑ پر اس علاقے میں واپس آئیں ہیں جسے صیہونی رژیم نے کھنڈرات میں تبدیل کر دیا ہے، لیکن یہ مزاحمت کی غیر معمولی فتح ہے۔
یہ بھی پڑھیں : گلگت بلتستان کے پرامن حالات خراب کرنے کی سازش ہو رہی ہے، سید علی رضوی
اس بیان کے مطابق یہ واپسی ان تمام لوگوں کے لئے دندان شکن جواب ہے جو فلسطینی قوم کی جبری ہجرت کا خواب دیکھ رہے ہیں۔
اسلامی جہاد موومنٹ نے اس بات پر زور دیا کہ فلسطینی قوم کی استقامت صہیونیوں کے مذموم عزائم اور ناپاک منصوبوں کو خاک میں ملا دے گی۔
نیتساریم کراسنگ سے صیہونی فوج کے انخلاء کے ساتھ ہی غزہ کے شمال میں لاکھوں فلسطینی پناہ گزینوں کی واپسی کا عمل شروع ہو گیا ہے۔
