اسرائیلی فوج کا ڈھانچہ تباہ ہو رہا ہے، موشے یعلون

شیعہ نیوز: اسرائیلی فوج کے سابق چیف آف اسٹاف اور سابق وزیر جنگ موشے یعلون نے جنہوں نے طوفان الاقصیٰ آپریشن اور غزہ جنگ کے آغاز کے چند ہی دن بعد اس بات پر زور دیا کہ حماس کی تباہی کا کوئی جادوئی حل نہیں ہے، کہا ہے کہ اسرائیلی فوج بحران کا شکار ہے۔

ایک بیان میںموشے یعلون نے اسرائیل کو اپنے قیام کے بعد سے بدترین بحران سے دوچار قرار دیا اور خبردار کیا کہ نیتن یاہو اپنی سیاسی بقا کے لیے غزہ میں یرغمالیوں کی قربانی دینے کے لیے تیار ہیں۔

یہ بھی پڑھیں : کوئی بھی مغربی ہتھیار زیلنسکی حکومت کو بچا نہیں سکتا، ماسکو

اسرائیل کی جنگی کابینہ کے رکن گادی ایزنکوٹ Gadi Eisenkot)) نے بھی غزہ میں صیہونی حکومت کے جنگی مقاصد میں ناکامی کا اعتراف کیا اور حماس کی مکمل شکست کے بارے میں نتن یاہو کے بیانات کو کہانی قرار دیا۔

اسرائیلی فوج کے چیف آف جوائنٹ اسٹاف ہرزی حالوی نے جنہوں نے شباک کے چیف رونان بار اور اسرائیلی ملٹری انٹیلی جنس (امان) کے سربراہ آہارون حالیوا کی طرح، 7 اکتوبر کو ہونے والی شکست کی ذمہ داری قبول کرتے ہوئے اعتراف کیا کہ اسرائیل نے اس حملے کی ذمہ داری قبول نہیں کی اور نہ ہی اس نے غزہ جنگ میں اپنا ہدف حاصل کیا ہے۔