یمن کے خلاف امریکہ اور اسرائیل کی انٹیلی جنس کارروائیاں ناکام، شدید خفت کا سامنا

شیعہ نیوز: یمن کے سیکورٹی ذرائع نے اس ملک کے خلاف امریکی اور صیہونی خفیہ اداروں کی انٹیلی جنس کارروائیوں کو ناکام بنانے کی اطلاع دی ہے۔

رپورٹ کے مطابق، یمن کے ایک سیکورٹی ذریعے نے سبا نیوز کو بتایا ہے کہ ملک کے سیکورٹی اداروں نے امریکی سی آئی اے اور صیہونی موساد کی انٹیلی جنس کاروائیوں کو ناکام بنا دیا ہے۔

یہ بھی پڑھیں : پوپ فرانسس کی غزہ کے عوام کی حمایت، صہیونی حکومت سیخ پا

انہوں نے مزید کہا کہ یمنی سیکورٹی فورسز آئندہ چند گھنٹوں میں یمن کے خلاف امریکی اور صیہونی خفیہ ایجنسیوں کی ان شرمناک کاروائیوں کی تفصیلات سے آگاہ کریں گی۔

صہیونی جارحیت پسندوں کے خلاف یمن کی مسلح افواج کے آپریشنز میں شدت کے بعد تل ابیب اور واشنگٹن نے یمنی مجاہدین کے خلاف اس ملک میں جاسوسی کاروائیاں شروع کر دی ہیں، تاہم انہیں خفت کا سامنا کرنا پڑا ہے۔