یمنی فوج کا مقابلہ کرنے کے لئے امریکہ علاقائی فوجی اتحاد تشکیل دے گا، گارڈین
شیعہ نیوز: بحیرہ احمر میں یمنی فوج کے حملوں کا مقابلہ کرنے کے لئے امریکہ عرب ممالک کے ساتھ فوجی اتحاد تشکیل دینے کا اعلان کرے گا۔
رپورٹ کے مطابق برطانوی جریدے گارڈین نے کہا ہے کہ بحیرہ احمر میں یمنی فوج کے مسلسلے حملوں کے بعد امریکہ نے فوجی اتحاد تشکیل دینے کا ارادہ کیا ہے۔
تفصیلات کے مطابق اعلی امریکی حکام جلد خطے کا دورہ کریں گے اس موقع پر عرب ممالک کو بھی شامل کرکے فوجی اتحاد کی تشکیل کا اعلان متوقع ہے۔
یہ بھی پڑھیں : غزہ پر حملے بند ہونے تک بحیرہ احمر میں کارروائیاں جاری رہيں گی، محمد عبدالسلام
ذرائع کے مطابق امریکی وزیردفاع لوئڈ آسٹن جلد مشرق وسطی کے دورے پر روانہ ہوں گے اور کثیر ملکی فوجی اتحاد کا اعلان کریں گے۔
فوجی اتحاد کو مزید موثر بنانے کے لئے چین کو بھی اتحاد میں شامل کرنے کی کوشش کی جارہی ہے۔
امریکہ نے یمنی فوج کی جانب سے اسرائیلی کشتیوں پر حملوں کے بعد طیارہ بردار جہاز یو ایس ایس آئزن ہاور کو خطے میں تعیینات کردیا تھا۔
اس سے پہلے خبری ویب سائٹ نے دعوی کیا تھا کہ جوبائیڈن حکومت بحیرہ احمر میں حملوں کے جواب میں یمنی فوجی تنصیبات پر براہ راست حملے کے بارے میں غور کررہی ہے۔
