یحییٰ السنوار اور مقاومتی رہنماؤں کے درمیان مسلسل رابطہ ہے، اسامہ حمدان
شیعہ نیوز: حماس کے سیاسی دفتر کے رکن نے کہا ہے کہ تنظیم کے سربراہ یحییٰ السنوار کا مقاومتی رہنماؤں کے ساتھ مسلسل رابطہ برقرار ہے۔
الجزیرہ نے کہا ہے کہ حماس نے تنظیم کی اعلی قیادت اور دیگر مقاومتی رہنماؤں کے درمیان رابطے میں تعطل کی خبروں کو مسترد کردیا ہے۔
انہوں نے بعض ذرائع ابلاغ میں اپنے نام منسوب اس بیان کو بے بنیاد قرار دیا جس میں کہا گیا تھا کہ السنوار کے ساتھ رابطے میں مشکل پیش آ رہی ہے۔ان کے ساتھ رابطے منقطع ہونے کی افواہیں بے بنیاد ہیں۔
یہ بھی پڑھیں : امریکی بحری بیڑے کی تعییناتی سے کوئی فرق نہیں پڑتا، الحوثی
حماس کے سیاسی دفتر کے رکن اسامہ حمدان نے کہا ہے کہ تنظیم کے سربراہ یحیی سنوار اور مقاومتی رہنماؤں کے درمیان مسلسل رابطہ برقرار ہے۔
انہوں نے جمعرات کو ایک بیان میں کہا ہے کہ غزہ میں جنگی ماحول کی وجہ سے باہمی رابطے میں مشکل ضرور پیش آرہی ہے تاہم اعلی قیادت اور نچلی قیادت اور کمانڈروں کے درمیان مسلسل رابطہ ہے اور تنظیمی امور کو بہترین انداز میں چلایا جارہا ہے۔
حمدان نے کہا کہ "میں نے کل اپنے بیانات میں کہا تھا کہ جنگ کی نوعیت اور صیہونی جارحیت کی وجہ سے کچھ مشکلات ہیں، لیکن رابطے مستقل ہیں، مطلوبہ مفادات حاصل کرتے ہیں، حماس اچھی طرح سے منظم ہے”۔
حمدان نے زور دیا کہ "جماعت کی قیادت مجاہد بھائی ابو ابراہیم السنوار کی قیادت میں اپنی ذمہ داریاں انجام دے رہی ہے۔
