امریکہ کے ساتھ مذاکرات کا کوئی پروگرام نہیں ہے، عباس عراقچی

شیعہ نیوز: وزیر خارجہ سید عباس عراقچی نے کہا ہے کہ فی الحال امریکہ سے مذاکرات کا کوئی پروگرام نہیں ہے لیکن ہر میدان منجملہ مذاکرات کے میدان میں ہمارا مقصد خون شہداء اور ان امنگوں کا دفاع ہے جن کے لئے شہیدوں نے شہادت کو گلے لگایا ہے۔

رپورٹ کے مطابق وزير خارجہ سید عباس عراقچی نے تہران کے حسینیہ امام خمینی میں، حالیہ مسلط کردہ جنگ کے شہیدوں کی مجلس کے موقع پر آئی آر آئی بی سے گفتگو میں مذاکرات کے بارے میں وزارت خارجہ کے موقف کی وضاحت کی۔

یہ بھی پڑھیں : یمنی فوج کا اسرائیل پر میزائل حملہ، بن گوریان ایئرپورٹ دوبارہ بند

انھوں نے کہا کہ ابھی امریکہ کے ساتھ مذاکرات کا کوئی پروگرام نہیں ہے لیکن مذاکرات سمیت ہر میدان میں ہمارا مقصد شہیدوں کے خون اور ان امنگوں کا دفاع ہے جن کے لئے شہیدوں نے اپنی جان دی ہے۔

قابل ذکر ہے کہ آج رہبر انقلاب اسلامی آیت اللہ العظمی سید علی خامنہ ای کی طرف سے، تہران کے حسینیہ امام خمینی میں، 12 روزہ مسلط کردہ صیہونی جنگ کے شہیدوں کے چالیسویں کی مجلس منعقد ہوئی جس میں شہدا کے لواحقین، ملک کے حکام اور اعلی عہدیداروں نیز عوام کے مختلف طبقات سے تعلق رکھنے والے لوگوں کی ایک تعداد نے شرکت کی۔