اسرائیل میں ہزاروں افراد کا وزیراعظم نیتن یاہو کیخلاف احتجاج، مستعفی ہونیکا مطالبہ

شیعہ نیوز: اسرائیل میں ہزاروں افراد اپنے ہی وزیراعظم بنیامین نیتن یاہو کے خلاف سراپا احتجاج ہیں۔ اسرائیلی عوام کی جانب سے 7 اکتوبر کے حملے اور یرغمالیوں کو چھڑانے کے لیے حکومتی حکمت عملی پر شدید تنقید کی جا رہی ہے، اس کے علاوہ اسرائیل کے جنگی ردعمل پر احتجاج بھی جاری ہے۔ مقبو ضہ بیت المقدس میں نیتن یاہو کی رہائشگاہ کے باہر عوام کی بڑی تعداد کی جانب سے مظاہرہ کیا گیا اور وزیراعظم سے مستعفی ہونے کا مطالبہ کیا گیا۔ واضح رہے کہ غزہ میں 7 اکتوبر سے اب تک 3 ہزار 900 بچوں اور 2 ہزار 509 خواتین سمیت شہید فلسطینیوں کی تعداد 9 ہزار 488 ہوگئی ہے جبکہ 6 ہزار 360 بچوں اور 4 ہزار 891 خواتین سمیت زخمیوں کی تعداد 24 ہزار 158 سے تجاوز کرچکی ہے۔