اہم پاکستانی خبریںہفتہ کی اہم خبریں

غزہ کربلا بن چکا، اسرائیل کے خلاف جہاد فرض ہوگیا، سراج الحق

عالم اسلام اسرائیل کی دہشت گردی پر خاموش تماشائی بننے کے بجائے بھرپور جواب دے

شیعہ نیوز (پاکستانی شیعہ خبر رساں ادارہ) امیر جماعت اسلامی سراج الحق نے کہا ہے غزہ کربلا بن چکا ہے ان حالات میں جہاد فرض ہوگیا ہے۔

تفصیلات کے مطابق سراج الحق نے تیمرہ گرہ میں پریس کانفرنس سے خطاب کرتے ہوئے کہا کہ عالم اسلام اسرائیل کی دہشت گردی پر خاموش تماشائی بننے کے بجائے بھرپور جواب دے، اس موقع پر امیر جماعت اسلامی دیر پائیں و سابق ممبر صوبائی اسمبلی اعزاز الملک افکاری اور جنرل سیکریٹری ارشد زمان بھی موجود تھے۔

یہ خبر بھی پڑھیں حقوق انسانی کے لیئے کام کرنے والی تنظیموں کی بے حسی نے بھی نئی تاریخ رقم کردی ہے ۔ علامہ حسن ظفر نقوی

سراج الحق نے کہا کہ بیت المقدس کا مسئلہ مذمتی قراردادوں سے حل نہیں ہوگا، مسجد اقصیٰ امت مسلمہ کو پکار رہی ہے، غزہ میں تعلیمی ادارے، صحت کے مراکز اور انفراسٹرکچر تباہ ہوچکے ہیں، گلی محلوں میں ہر طرف لاشیں پڑی ہیں، خون کی ندیاں بہہ رہی ہیں، فلسطینی مائیں عالم اسلام کی طرف دیکھ رہی ہیں، مگر عالم اسلام میں ہر سوں خاموشی ہے۔

انہوں نے کہا کہ جماعت اسلامی ایک طرف فلسطینوں کو اس صورت حال سے نکالنے کیلیے عالم اسلام کے تمام اسٹیک ہولڈرز کے ساتھ رابطے میں ہے جبکہ دوسری طرف 21 مئی کو پورے ملک میں فلسطینوں کے ساتھ یکجہتی کا دن منائے گی، بڑا پروگرام اسلام آباد میں ہوگا۔ 23 مئی کو کراچی اور 30 مئی کو پشاور میں آزادی قبلہ اول ملین مارچ کا انعقاد کیا جائے گا۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close