معروف ذاکر اہل بیت ؑ اور ماہر تعلیم پروفیسر تقی ہادی کی آج دسویں برسی
شیعہ نیوز: معروف ذاکر اہل بیت ؑ اور ماہر تعلیم پروفیسر تقی ہادی کی آج دسویں برسی منائی جارہی ہے ۔
27فروری 2014کو کراچی میں ملت تشیع کےمتحرک اورتعلیم دوست سکالر پروفیسر تقی ہادی کو کالعدم لشکر جھنگوی و سپاہ صحابہ کے دہشت گردوں نے محبت محمد و آل محمدؑ کے جرم میں شہید کردیا تھا۔
یہ بھی پڑھیں : جامعہ کراچی میں دوسری بین الاقوامی یکجہتی فلسطین کانفرنس کا انعقاد
پاکستان بالخصوص کراچی کئی سالوں تک ملت تشیع کے افراد کی مقتل گاہ بنا رہا۔ ملت تشیع کے قابل افراد کو چن چن کر قتل کیا جاتا رہا۔ 27 فروری 2014کو ملت تشیع کے متحرک اور تعلیم دوست رہنما پروفیسر تقی ہادی کو دہشت گردوں نے شہید کردیا تھا، دس برس گذر جانے کے باوجود شہید پروفیسر تقی ہادی کے قاتل تاحال کیفرکردار تک نا پہنچ سکے۔
پروفیسر تقی ہادی کوناظم آباد میں اس وقت شہید کیا گیا جب وہ کراچی کے میٹرک بورڈ آفس سے اپنی خدمات انجام دینے کے بعدرکشے میں سوارہوکراپنے گھرکی جانب جارہے تھے۔
پروفیسر تقی ہادی کو کالعدم سپاہ صحابہ کے چار دہشت گردوں نے فائرنگ کر کے زخمی کیا جہاں سے انہیں عباسی شہید ہسپتال منتقل کیا گیا لیکن وہ زخموں کی تاب نہ لاتے ہوئے شہید ہوگئے۔
