سعودی عرب میں ٹرمپ کا ایران مخالف بیان جہالت کی انتہا ہے، جنرل سلامی

شیعہ نیوز:سپاہ پاسداران انقلاب اسلامی کے سربراہ جنرل حسین سلامی نے سعودی عرب کے دورے کے دوران امریکی صدر کے ایران کے بارے میں بیان کو جہالت کی انتہا قرار دیا ہے۔

شہداء خدمت کی پہلی برسی کے موقع پر عوامی اجتماع سے خطاب کرتے ہوئے انہوں نے ڈونلڈ ٹرمپ سے مخاطب ہوکر کہا کہ آپ کا بیان عظیم ایرانی قوم سے آشنائی نہ ہونے کی علامت ہے یا نفسیاتی جنگ کا حصہ ہے۔

انہوں امریکی صدر پر واضح کیا کہ جو کچھ ایران اور ایرانی قوم کے بارے میں آپ کے ذہن میں ہے، اس کا زمینی حقائق سے زمین سے آسمان کا فاصلہ ہے۔

انہوں نے کہا کہ ڈونلڈ ٹرمپ کو ایران اور ایرانی قوم کے بارے میں کوئی آگاہی ہے اور نہ ہی اسلام کے بارے میں وہ علم رکھتے ہیں۔