ٹرمپ کا ایران کے جوہری پروگرام کے خاتمے کا منصوبہ ایک خواب اور وہم ہے، اعلی ایرانی اہلکار
شیعہ نیوز: ایرانی اقتصادی کونسل کے رابطہ کار محسن رضائی نے کہا ہے کہ امریکی صدر کا ایران کے جوہری پروگرام کو ختم کا منصوبہ ایک خواب ہی رہے گا۔
رپورٹ کے مطابق امریکی صدر ٹرمپ کی جانب سے ایران کے جوہری پروگرام کو رول بیک کرنے کے مجوزہ منصوبے پر ایرانی رہنماؤں اور عوامی حلقوں کی جانب سے شدید ردعمل سامنے آرہا ہے۔
یہ بھی پڑھیں : قومی اسمبلی کی قائمہ کمیٹی کا اجلاس، حمید حسین نے ضلع کرم کے مسائل پیش کئے
ایران کی اعلیٰ اقتصادی رابطہ کونسل کے سیکریٹری محسن رضائی نے کہا ہے کہ امریکی صدر ڈونلڈ ٹرمپ کا یہ دعوی کہ وہ ایران کے ساتھ ایسا معاہدہ کریں گے جس کے تحت ایرانی جوہری تنصیبات ختم کردی جائیں گی، ایک وہم، ہذیان اور الجھن کا مجموعہ ہے۔
انہوں نے کہا کہ ہم ٹرمپ کی الجھن کو سمجھ سکتے ہیں۔ جب تک وہ اور ان کی ٹیم نتن یاہو جیسے ذہنی مریض کے ساتھ کھڑے ہیں، ایران کی جوہری تنصیبات کے خاتمے کا خواب دیکھنا ترک نہیں کریں گے۔
انہوں نے مزید کہا کہ صدر ٹرمپ کو سمجھنا چاہیے کہ وہ ایک بڑی قوم، مستحکم نظام اور ایک خودمختار ریاست کے مدمقابل ہیں۔ ایران امریکہ کو مجبور کرے گا کہ وہ حقیقتوں کو تسلیم کریں اور خوابوں کی دنیا سے باہر نکلیں۔
