کراچی میں سی ٹی ڈی سے مقابلے میں مارے گئے تکفیری دہشتگرد کی شناخت کرلی گئی

شیعہ نیوز : کراچی کے علاقے موچکو میں سی ٹی ڈی سے مقابلے میں مارے گئے تکفیری دہشتگرد کی شناخت کرلی گئی۔ ترجمان سی ٹی ڈی کے مطابق مقابلہ 3 روز قبل موچکو تھانے کی حدود میں ہوا تھا، ہلاک ہونے والے ایک دہشتگرد کی شناخت طاہر شاہ کے نام سے ہوئی ہے، جو خودکش جیکٹس اور بم بنانے کا ماہر تھا۔

یہ بھی پڑھیں : پسند کی شادی پر خاتون کا قتل آئینی و قانونی ضابطوں کے منافی ہے، علامہ احمد اقبال رضوی

ترجمان سی ٹی ڈی کا بتانا ہے کہ ہلاک دہشتگرد افغانستان سے تربیت لے کر آیا تھا، یہ دہشتگرد کے پی میں دہشتگردی کی کارروائیوں میں ملوث رہا۔ ترجمان کے مطابق ہلاک دہشتگرد کا تعلق فتنہ الخوارج کالعدم تنظیم تحریک طالبان پاکستان سے تھا، جبکہ مقابلے میں ہلاک دوسرے دہشتگرد کی شناخت کا عمل جاری ہے۔