امریکی میزائلوں سے یوکرینی فوج کا حملہ، اپنے ہی قیدیوں کو ہلاک کردیا

شیعہ نیوز:روسی وزارت دفاع کے جاری کردہ بیان میں کہا گیا ہے کہ دونیسک کے شہر اولنیفکا کی جیل کو امریکی میزائل سسٹم ہمارس سے نشانہ بنایا گیا ہے۔
بیان میں کہا گیا ہے کہ اس جیل میں آزوف نامی نیو نازی گروپ سے تعلق رکھنے والے یوکرین کے درجنوں جنگجو قید ہیں۔
روسی وزارت دفاع کے مطابق امریکی میزائل سسٹم کے ذریعے کیے گئے اس حملے میں کم سے کم ترپن یوکرینی قیدی ہلاک اور پچھتر کے قریب زخمی ہوئے ہیں۔
حملے میں جیل میں کام کرنے والے آٹھ روسی کارکنوں کو بھی زخم آئے ہیں۔
روس نے یوکرینی فوج کے اس حملے کو اشتعال انگیز اور یوکرینی عوام میں روس کے خلاف نفرت پھیلانے کی ناکام کوشش قرار دیا ہے۔