چین سے پاکستان کو ہونے والی برآمدات کی انڈر انوائسنگ کو ٹھیک کرنا ہوگا، شبر زیدی

شیعہ نیوز:ٹیکس امور کے ماہر اور سابق چیئرمین فیڈرل بورڈ آف ریونیو شبر زیدی نے کہا ہے کہ حکومت نے اگر افغان ٹرانزٹ ٹریڈ کو منیج کر لیا تو 20 فی صد ملکی معاشی مسائل حل ہوجائیں گے اور ڈالر 250 روپے کا ہو جائے گا۔ نجی ٹی وی کے پروگرام میں گفتگو کرتے ہوئے سابق چیئرمین ایف بی آر شبر زیدی کا مزید کہنا تھا کہ جب میں چیئرمین ایف بی آر تھا اس وقت ساڑھے 4 سے 5 ارب ڈالرز کی انڈر انوائسنگ ہو رہی تھی۔ انہوں نے کہا کہ اس وقت چینی سفیر نے بتایا کہ چین میں آپ کے لوگ بیٹھے ہیں جو انڈر انوائسنگ کرتے ہیں، ہم چاہتے ہیں آپ اسے سیٹل کریں۔ شبر زیدی کا کہنا تھا کہ اگر پاکستان کی درآمدات کو متوازن کرنا ہے تو چین سے پاکستان کو ہونے والی برآمدات کی انڈر انوائسنگ کو ٹھیک کرنا ہوگا۔