ولادت خلیفہ بلا فصل مولا علیؑ، گلگت بلتستان کے پہاڑوں پر بھی چراغاں

شیعہ نیوز (پاکستانی شیعہ خبر رساں ادارہ) یوم ولادت باسعادت امیرالمومنین، خلیفہ بلا فصل،مولائے متقیان علی ابن ابی طالب علیہ السلام کے موقع پر گلگت بلتستان کے پہاڑوں کو بھی سجا دیا گیا۔

ولادت مولا علیؑکے موقع پر پورے گلگت بلتستان میں گھروں، عمارتوں اور شاہراہوں پر چراغاں کیا گیا۔ گلگت میں چاروں طرف پہاڑوں کو بھی برقی قمقموں اور مولا علی (ع) کے ناموں سے سجایا گیا۔

یہ خبر بھی پڑھیں 13 رجب، پاکستان کی فضائیں علیؑ علیؑ اور حیدرؑ حیدرؑ کے نعروں سے گونجتی اٹھیں

گلگت میں یوم ولادت علی ابن ابی طالب علیہ السلام کا مرکزی پروگرام تیرہ رجب کی شب کو مرکزی امامیہ جامع مسجد گلگت میں منعقد ہوا۔ جس میں منعقبت خوانوں، شعرا نے مولا کی شان میں عقیدت کے پھول نچھاور کیے جبکہ علما نے امیر المومنین کی سیرت و کردار پر روشنی ڈالی۔