جنگ جاری رہے گی، نیتن یاہو نے صلح کی پیشکش مسترد کردی
شیعہ نیوز: غزہ میں جنگ بندی کے لئے کوششوں کے بعد حماس کی جانب سے جنگ بندی کی پیشکش کو صہیونی وزیراعظم نیتن یاہو نے مسترد کردیا۔
رپورٹ کے مطابق، صہیونی وزیراعظم نیتن یاہو نے فلسطینی مقاومتی تنظیم حماس کی جانب سے پیش کردہ جنگ بندی کی پیشکش کو مسترد کردیا ہے۔
نیتن یاہو نے فلسطینی تنظیم کی شرائط کو غیر واقعی قرار دیا ہے۔
یہ بھی پڑھیں : صیہونیوں کے خلاف کارروائی کا دائرہ بحر ہند تک پھیلا رہے ہیں، جنرل یحیی سریع
سکائی نیوز عربی کے مطابق اسرائیلی وزیراعظم کے دفتر سے جاری ایک بیان میں کہا گیا ہے کہ صہیونی جنگی کابینہ نے رفح پر حملے کی منظوری دی ہے جس کے بعد غزہ کے جنوب میں اسرائیلی فوج کے حملوں کا امکان بڑھ گیا ہے۔
بیان میں مزید کہا گیا ہے کہ حماس کی جانب سے پیش کردہ شرائط غیر واقعی ہیں لہذا وزیراعظم نے اس کو مسترد کیا ہے البتہ یرغمالیوں کی رہائی اور جنگ بندی کے لئے مذاکرات کا راستہ اب بھی کھلا ہے۔
نیتن یاہو کے دفتر سے جاری بیان میں حماس کو مذاکرات کی ناکامی کا سبب قرار دیا گیا ہے۔
