حزب اللہ کی ہر قسم کی حمایت کے لئے تیار ہیں، عبدالملک الحوثی

شیعہ نیوز: رہبر انصاراللہ سید عبدالملک الحوثی نے ہر جارحیت کے مقابلے میں حزب اللہ اور لبنانی عوام کی ٹھوس حمایت کا اعلان کرتے ہوئے خبردار کیا ہے کہ ہم خاموش تماشائی نہیں رہیں گے۔

المیادین نے رپورٹ دی ہے کہ سید عبدالملک الحوثی نے لبنان کے مختلف علاقوں پر غاصب صیہونی حکومت کی جارحیتوں کو بلاجواز قرار دیا ہے۔

یہ بھی پڑھیں : اسرائیل کی شام کے شہر حمص میں دو فوجی اڈوں پر وحشیانہ بمباری

انھوں نے کہا ہے کہ ہم لبنان پر غاصب صیہونی حکومت کی جارحیتوں پر خا موش تماشائی نہيں رہیں گے۔

رہبر انصاراللہ یمن نے کہا ہے کہ ہم اپنے حزب اللہ کے بھائیوں اور لبنانی عوام سے کہنا چاہتے ہیں کہ آپ تنہا نہيں ہیں، ہم ہر جارحیت کے مقابلے میں آپ کے ساتھ ہیں۔

سید عبدالملک الحوثی نے کہا کہ جن حالات ميں بھی ہماری مداخلت کی ضرورت ہو، ہم اپنے حزب اللہ کے بھائیوں اور لبنانی عوام کا ساتھ دینے کے لئے تیار ہیں۔