ہمیں اہل بیت رسولؑ سے محبت کا عملی ثبوت دینا ہوگا، علامہ حسن ظفر نقوی

شیعہ نیوز: معروف عالم دین اور خطیب اور رہنما مجلس وحدت مسلمین علامہ سید حسن ظفر نقوی نے کہا کہ امام حسنؑ اور امام حسینؑ اللہ کو بے حد عزیز اور پیارے ہیں، آپ نواسہ رسولؑ اور علی مرتضیؑ کے جگر گوشہ ہونے کے ساتھ ساتھ جوانان جنت کے سردار ہیں اور ان کے بابا ان سے افضل ہیں۔ یہ بات انہوں نے مسجد سید الشہداء اسلامک کلچر سینٹر فیڈرل بی ایریا بلاک 6 میں منعقدہ عشرہ محرم کی مجلس سے خطاب کے دوران کہی۔ ان کا مزید کہنا تھا کہ یہی گھرانہ نجات اور بخشش کا ذریعہ ہے، ہمیں اہل بیت رسولؑ سے محبت کا عملی ثبوت دینا ہوگا اور صاحبان علم و فضل کے نقش قدم پر چلنا ہوگا کیونکہ رسول اکرمؐ نے واضح طور پر فرمایا کہ قرآن اور اہلبیت رسولؑ کی محبت پر عمل پیرا ہوکر دنیا و آخرت میں کامیابی حاصل کی جاسکتی ہے، یہ بات بھی واضح طور پر کہی کہ علی افضل ترین ہیں اور ان کی محبت کو عبادت قرار دیا گیا ہے لہٰذا مسلمانوں کو انہی کے در سے وابستہ رہنا ہوگا۔