دعا ہے کہ اللہ تعالی محترم صدر جمہوریہ کو قوم کی آغوش میں لوٹا دے، رہبر معظم

شیعہ نیوز: رہبر انقلاب اسلامی آيت اللہ العظمیٰ سید علی خامنہ ای نے صدر جمہوریہ اور ان کے ہمراہ افراد کے صحت و سلامتی کے ساتھ لوٹنے کی دعا فرمائی ہے۔

رہبر انقلاب اسلامی نے سپاہ پاسداران انقلاب اسلامی کے سپاہیوں اور ان کے اہل خانہ سے ملاقات کے دوران اس تشویشناک حادثے پر اظہار پریشانی کرتے ہوئے فرمایا کہ اللہ تعالی سے دعا ہے کہ صدر جمہوریہ اور مغتنم اور ان کے ہمراہ افراد صحیح اور سالم قوم کی آغوش میں واپس آئیں۔ آپ نے فرمایا کہ اس خدمت گزار گروہ کی سلامتی کے لئے سب دعا کریں۔

یہ بھی پڑھیں : صدر مملکت اور ان کے ساتھیوں کی شہادت پر حکومتی کابینہ کا بیان

رہبر انقلاب اسلامی نے زور دیکر فرمایا کہ ایرانی عوام پریشان نہ ہوں اور یقین رکھیں کہ ملک کی سرگرمیوں میں کسی بھی قسم کا خلل واقع نہیں ہوگا اور حکومت کی تمام سرگرمیاں معمول کے مطابق جاری ہیں اور رہیں گی۔

قابل ذکر ہے کہ آپ کی یہ ملاقات فرزند رسول امام رضا علیہ السلام کی شب ولادت کے موقع پر انجام پائی ہے۔