غزہ میں کسی غیرملکی فورس کو قبول نہیں کریں گے، عزت الرشق

شیعہ نیوز: اسلامی مزاحمتی تحریک حماس کے سینیر رکن عزت الرشق ے کہا ہے کہ وہ جنگ بندی کی نگرانی کرنے والے اقوام متحدہ کے عناصر کی موجودگی کو قبول نہیں کرے گی۔

حماس کے ایک رہنما اور سیاسی شعبے کے سینیر رکن عزت الرشق نے وضاحت کی کہ حماس نے محصور غزہ کی پٹی کے لوگوں کو امداد اور ریلیف پہنچانے کے لیے بین الاقوامی تنظیموں خاص طور پر ’اونروا‘ کی موجودگی کا مطالبہ کیا ہے۔

یہ بھی پڑھیں : غزہ پر قابض اسرائیلی فوج کی جارحیت میں مزید 71 فلسطینی شہید

ان کا کہنا تھا کہ غزہ میں جنگ بندی کی مانیٹرنگ کے لیے کسی غیرملکی فورس کو قبول نہیں کیاجائے گا۔

انہوں نے کہا کہ جنگ بندی پر سمجھوتے تک پہنچنے کی صورت میں ایسے ممالک کی ضرورت ہے جو اس کی ضمانت دیں اور اس کے لیے اسرائیل کے عزم کی ضمانت دیں کہ وہ جنگ بندی کی پاسداری کرے گا نہ کہ اس کی نگرانی کے لیے اپنے اہلکاروں کا تقرر کرے۔

انہوں نے مزید کہا کہ فلسطینی اپنی سرزمین پر کسی بھی غیر فلسطینی طاقت کی موجودگی کو مسترد کرتے ہیں۔