جنوبی لبنان میں اسرائیلی بمباری میں خاتون شہید، ایک زخمی
شیعہ نیوز: کل بدھ کی شام جنوبی لبنان میں اسرائیلی بمباری میں ایک خاتون شہید اور ایک شخص زخمی ہو گیا۔
لبنانی میڈیا نے بتایا ہے کہ جنوبی لبنان کے قصبے قبریخا پر اسرائیلی بمباری میں ایک خاتون شہیداور ایک شخص زخمی ہو گیا ہے۔
قابض اسرائیلی فوج کے جنگی طیاروں نے جنوبی لبنان کے کئی قصبوں کو نشانہ بناتے ہوئے حملے شروع کیے ہیں۔
یہ بھی پڑھیں : القسام نے ہلاکت سے قبل اسرائیلی قیدیوں کے آخری ویڈیو پیغام جاری کردیے
مقامی ذرائع نے اطلاع دی ہے کہ حملوں میں حولہ قصبے کے وسط میں عیناتہ اور کونین قصبوں کے مضافات اور قبریخا قصبے کے مضافات میں ایک مکان کو نشانہ بنایا گیا۔
گذشتہ رات اسرائیلی طیاروں نے عیتا الشعب قصبے کے الرجم محلے پر دو میزائلوں سے حملہ کیا اور ایک اور حملہ خیام قصبے پر کیا۔
جاسوس طیاروں اور ڈرونز نے صبح مغربی اور وسطی سیکٹر کے دیہاتوں پر پر نچلی پروازیں کیں، جس سے رہائشیوں میں تناؤ اور خوف کی کیفیت پھیل گئی۔
