یاسین ملک کو بھارتی سزاظلم پر مبنی ہے، فیصلہ فوری واپس لیا جائے، علامہ شبیر میثمی

شیعہ نیوز: شیعہ علماء کونسل پاکستان کے مرکزی جنرل سیکرٹری علامہ شبیر حسن میثمی نے کشمیری حریت پسند رہنماء یاسین ملک کو بھارتی عدالت سےدی جانے والی سزا کو ظلم پر مبنی قرار دیا ہے۔علامہ شبیر حسن میثمی نے جاری کردہ ایک بیان میں جموں و کشمیر لبریشن فرنٹ (جے کے ایل ایف) کے سربراہ یاسین ملک کو بھارت کی کٹھ پتلی عدالتوں کی جانب سے دی جانے والی سزا کی پُرزور مذمت کرتے ہوئے کہا ہے کہ بھارتی عدالتی فیصلہ ظالمانہ و جابرانہ ہے، کشمیر ایک متنازعہ علاقہ ہے، جسے اقوام متحدہ کی قرار دادوں کی روشنی میں حل ہونا ہے، یاسین ملک کو دی جانے والی سزا ظلم پر مبنی ہے۔