یمن : جیزان محاذ پر سعودی عرب کے 2 فوجی ہلاک

شیعہ نیوز (پاکستانی شیعہ خبر رساں ادارہ) یمنی فورسز اور انصار اللہ کے مجاہدین نے جیزان محاذ پر سعودی عرب کے مزید 2 فوجیوں کو ہلاک کر دیا۔

سعودی عرب کی خبررساں ایجنسی نے رپورٹ دی ہے کہ سعودی عرب کے حکام نے اعلان کیا ہے کہ جیزان محاذ پر سعودی عرب اور یمن کی فوج اور عوامی رضاکار فورسز کے مابین ہونے والی جھڑپ میں سعودی عرب کے مزید2فوجی ہلاک ہوگئے ہیں۔

جیزان محاذ پر یمنی فورسز اور قبائل نے سعودی عرب کے جن 2 فوجیوں کو ہلاک کیا ہے ان کے نام احمد بن یحیی سلیمان الغزوانی اور سلطان بن عیسی شبلی ہیں۔

واضح رہے کہ سعودی عرب نے امریکہ کی حمایت نیز متحدہ عرب امارات اور بعض دوسرے ملکوں کے ساتھ اتحاد قائم کرکے، مارچ دوہزار پندرہ سے یمن کو جارحیت کا نشانہ بنا رکھا ہے۔ یمنی عوام کی استقامت کے نتیجے میں سعودی اتحاد کو اس جنگ میں مسلسل ناکامی کا سامنا ہے اور اس کا ایک بھی مقصد پورا نہیں ہوسکا ہے۔